الاوراق المطلوبة لاستقدام الابناء

فيه نوعين للإستقدام :

استقدام الكترونى واستقدام عادى .... طيب ايه الفرق

*مفيش قائمة معينة بالمهن اللى لها استقدام إلكترونى او العادى .... غالبا الإلكتروني بيكون للمهن اللى اتعمل لها اعتماد لشهادتها فى جهات مهنية زى الهيئة السعودية للمهندسين او هيئة التخصصات الطبية .... الخ
عالعموم كل واحد يدخل على أبشر ويدخل يعمل إستقدام إلكترونى .... نفع اهلا وسهلا ... مانفعش هيحجز ميعاد ويروح الاستقدام العادى ....
*الاستقدام يقتصر على الزوجة والأبناء فقط ممكن مع الأم بس تثبت ان انت العائل الوحيد لها وذلك عن طريق محكمة وشهود من مصر ...

الأوراق المطلوبة : صور جوازات أسرتك
1 - التسجيل على أبشر ( الخدمات الإلكترونية لوزارة الداخلية ) وطبعا تفعيل حسابك عن طريق ماكينة *ابشر من اي فرع للجوزات واتكلمنا قبل كده عن الموضوع ده

2- دفع مبلغ 2000 ريال برقم الاقامة باستخدام ماكينة سحب النقد الخاصة ببنكك او الدفع الالكترونى للحسابات البنكية على الانترنت باختيار الخدمات الحكومية ثم الاستقدام – دفع – تأشيرة عائلية – ادخال رقم الكفيل ( إقامتك أنت لأنك كفيلهم ) وكتابة عدد التأشيرات (1) - دفع - ويفضل طباعة الايصال سواء الماكينة او حساب النت
طيب بالنسبة للى هيعمل استقدام لزوجته و 4 اولاد .... كلهم تحت طلب استقدام واحد ب 2000
3- الدخول على أبشر

رابط الدخول للموقع : اضغط هـــــ،ا
4- الخدمات الإلكترونية
5- الإدارة العامة لشئون الوافدين
6 – استقدام العوائل للمقيمين
7- طلب تأشيرة استقدام جديدة
8- هيظهر لك بياناتك وهتختار ( التقدم بطلب إصدار تأشيرة استقدام )
9- هيطلب منك بيانات المستقدمين ( أسرتك ) – هتدخل اسم زوجتك باللغة العربية ورقم جوازها وجهة قدومها ( القنصلية اللى هتخلص منها الورق اللى هى القاهرة – الاسكندرية – السويس وليس لها علاقة بمطار القدوم )
بعد ما تدخل زوجتك – أعمل اضافة ثم طفلك الأول ثم اضافة ثم طفلك الثانى وهكذا ...
10- خطوة تأكيد البيانات التى أدخلتها ... راجع أسماء أسرتك وأرقام جوازتهم وجهة قدومهم
11 – إرسال الطلب
12- هيطلب منك تتطبع الطلب وتختمه من الشركة أو الكفيل وتوثقه من الغرفة التجارية ب 30 ريال
13- بمجرد توثيق الطلب هيجيلك رسالة على الموبايل بالموافقة على الاستقدام
14- هتستنى يومين او ثلاثة وتدخل على موقع وزارة الخارجية عشان تشوف طلب الاستقام اتحول لهم من الداخلية ولا لسه - موقع وزارة الخارجية – التأشيرات الالكترونية – تأشيرة صادرة من وزارة الخارجية – رقم التأشيرة – رقم السجل ( رقم إقامتك ) وكود الصورة واستعلم .... ان ظهرت رسالة باللون الأحمر الرجاء التأكد من مدخلات البحث ده معناه أن لسه متحولتش .... شيك تانى يوم .... لغاية متطلع لك رسالة ..... برجاء طباعة المستند ومراجعة ممثلية المملكة .... وهتلاقى بيانات أسرتك ... هتطبعها Pdf وتبعتها لأسرتك بالميل أو تديهم بياناتك وهم يطبعوها من مصر
15- هتحجز فى تساهيل ومش هيردوا يحجزوا لك الا بورقة الخارجية فى الخطوة السابقة ( الحجز فى تساهيل شرح مستقل )

فيديو لشرح حجز موعد علي موقع تساهيل (منقول للاهمية)

16- بعد الذهاب للموعد في تساهيل يتم استلام ورقة النت ويتم الذهاب لخطوة الكشف الطبي

17- ستستلم 3 رسائل على هاتفك المحمول .. الأولى ستفيدك بقبول المعاملة في مصر ، والثانية ستفيدك بتحويل المعاملة إلى القنصلية السعودية ( إذا كان الكشف الطبي سليم بإذن الله ) .. والثالثة ستفيدك بمراجعة المكتب لاستلام جوازات السفر وعليها التأشيرات .. وجميع الرسائل ستأتيك تباعاً في فترة 15 يوم عمل إلى 20 يوم عمل .

-هتحاول تعمل استقدام الكترونى ... منفعش ... هتعمل الآتى :
أبشر – الخدمات الخدمات الإلكترونية - الإدارة العامة لشئون الوافدين – حجز موعد – الانتقال لخدمة المواعيد – حجز موعد جديد – التقدم بطلب استقدام عائلة مقيم – اختيار المنطقة – اختيار أقرب مكتب لك – اختيار موعد – تأكيد الموعد – طباعته وهتلاقى كاتب فيه عنوان المكتب وخريطته

*هتروح مكتب الاستقدام ومعك الآتى :
-الاوراق المطلوبة : ( ويراعى الترتيب وطباعة الصور المطلوبة بمقاس ورق واحد ... يعنى لا تقص صورة الاقامة ولا الجواز – ولا تدبس الورق ... اعمله بمشبك ورق )

1- إستمارة طلب الاستقدام ودى بتطبعها من النت ( نموذج طلب استقدام المقيمين لعوائلهم ) وتملى بياناتك ( اسمك ورقم جوازك وتأشيرة دخولك – أقامتك – تاريخ اصدارها وتاريخ انتهاءها ( ليست ال 5 سنين ) والديانة والمهنة ومدة اقامتك بالمملكة وهاتف أرضى وعنوانك والراتب الشهرى واسم كفيلك / الشركة وعنوانه ورقم تليفونه ومؤهلك الدراسى وبيانات أسرتك فيها .... أسمائهم .... أرقام جوازتهم – السن – الصلة – جهة القدوم والعنوان واسمك وتوقيعك

موقع وزارة الداخلية للاستقدام : اضغط هنا

2- خطاب تعريف من الشركة / الكفيل موجه لإدارة الاستقدام وبه موافقة صريحة على الاستقدام ( لا مانع من الاستقدام ) وموضح به الدخل الشهرى لك وموثق من الغرفة التحارية
3-صورة أقامتك ( والأصل للاطلاع )
4-صورة جواز سفرك ( أول صفحتين + صورة تأشيرة الدخول ورقم الحدود )
5-صورة المؤهل الدراسى ( وش وظهر ) مصدق من الملحقية الثقافية والقنصلية السعودية ( فى مصر ) والخارجية السعودية ( فى السعودية ) ويكون معاك الأصل للاطلاع
6-صورة عقد الزواج ( وش وظهر ) موثق من القنصلية السعودية
7-صورة شهادات ميلاد الأطفال موثقة من القنصلية السعودية
8-صور جوازات الأشخاص المطلوبين ( أسرتك )
9-وصل دفع ال 2000 ريال
10-ترجمة معتمدة باللغة العربية للوثائق ( المؤهل – شهادات الميلاد – قسيمة الجواز ..... ) فى حالة كانت بلغة أخرى غير العربية
11-احضار كافة الأصول للمطابقة

- بعد الذهاب فى الميعاد المحدد وتقديمك للأوراق المطلوبة – هيعطوك ورقة صفراء ( هتصورها ونبعت لأهلك الصورة بالميل والأفضل التأكد من اصدار التأشيرة على موقع وزارة الخارجية ( راجع الخطوة رقم 14 ) فى الاستقدام الالكترونى
- هتحجز فى تساهيل ومش هيردوا يحجزوا لك الا بورقة الخارجية فى الخطوة السابقة ( الحجز فى تساهيل شرح مستقل )

فيديو لشرح حجز موعد علي موقع تساهيل (منقول للاهمية)

انظر للخطوات السابقة ( 16 - 17 - 18 )

-صلاحية الاستقدام سنة من الموافقة عليه
-صلاحية تأشيرة القدوم لأسرتك 3 شهور من إصدارها
-بوصول أسرتك بالسلامة إن شاء الله لازم تتطلع لهم الاقامة فى خلال 90 يوم من وصولهم للمملكة
-بالنسبة للموعد من ادارة الاستقدام لو انت مش لاقي موعد علي النت ممكن تروح للمكاتب اللي قدام ادارة الاستقدام وقوله يطبع لك موعد ب20 ريال
-بالنسبة لتوثيق الشهادة من الخارجية
لازم تدخل علي موقع وزارة الخارجية –خدمات الوزارة – خدمات التصديق – تصديق الوثائق - وتسجل طلب توثيق شهادات تعليمية بعد كدة هيظهر لك رقم فاتورة تسددها من علي النت وتاخد الايصال معاك وتطبع الطلب نفسه اللي من علي الموقع بعد ماتسدد ولازم الشهادة تكون مصدقة من السفارة السعودية والملحقية الثقافية في مصر

- في ناس كانت تقديراتها في المؤهل مقبول اترفض توثيقها من الخارجية حتي المعقبين اللي في المكاتب كانوا بيرفضوها علشان الخارجية بترفض تصدقها.

-بالنسبة لاستقدام الزوجة فانه يخصع لعدة شروط منها المؤهل الدراسي والمهنة وبالرغم من ذلك فان مكتب الاستقدام فى كل منطقة يقوم بدارسة كل حاجة على حدة فلذا لن تخسر شي فقط زيارة لمكتب الاستقدام علما بأن هناك بعض المهن التي لايتم عمل استقدام لها مثل مهنة فني حاسب وعلى حسب ما وردنا ان جميع المهن الفني تم ايقاف الاستقدام عنها لكن اعود واكرر ان هذه الامور قد تتغير من مكتب لمكتب وان القرارات ايضا تتغير وقد يتم فتح الاستقدام لمهن واغلاقه لاخري لكن بالنسبة للزيارة فهي مفتوحة للجميع حتي للمهن الدنيا يتم عمل الزيارات بدون اى مشاكل ويمكن التجديد حتي 9 اشهر .

- بالنسبة لاستقدام زوجة للسعودية يكون عدد مرات الدخول سفرة واحدة ولا عدة سفريات؟ ...”ج: سفرة واحدة ”

- السلام عليكم لو سمحت انا عامل جهة القدوم الاسكندرية فهل ينفع أن احجز تذكرة سفر من القاهرة ؟

ج:جهة القدوم الإسكندرية تعني أنك لابد أن تحجز موعد في مكتب تسهيل بالاسكندرية ، أما تذكرة السفر فيمكن لك من اي مكان واي مطار .

-بالنسبة للاخوة الذين لم يوفقوا فى عمل استقدام لزوجاتهم اقول لهم الله يوفقككم وعليكم بالزيارة فهى الحل الكافي لكن احذرو ايضا من التخلف فى الزيارة فان غرامتها 10000 ريال وبالطبع هناك الكتير من اولاد الحلال من قد يساعدونكم فى عمل الاستقدام لكن نصيحة عدم دفع اى مبالغ لاي شخص فانها تعتبر رشوة من يريد ان يخدمك فليخدمك بدون رشوة .

1. #القاهرة ا >>> مبني سوميت 44 شارع التسعين الشمالي، التجمع الخامس، القاهرة الجديدة

2.القاهرة 2 >>> قطعة 25 عمارات الملتقي العربي، طريق الاوتوستراد، مساكن شيراتون، مصر الجديدة

3.القاهرة 3 >>> مبنى سرايات الروضة، 61 طريق عبدالعزيز آل سعود، المنيل

4. #المنيا >>> 6 ميدان ناصر ، قصر الثقافة ، المتفرع من شارع طه حسين ، أرض سلطان

5. #سوهاج >>> المجمع، 33 شارع الجمهورية، سوهاج

6.الجيزة >>> برج النوال، 6 شارع حسن محمود الرزاز ” نوال سابقاً “، العجوزة

7.السويس >>> برج السعد، حي المحروسة، مربع رقم 40 أبراج المحروسة

8. #بورسعيد >>> برج المغربي, شارع جمال عبد الناصر وطرح البحر, حي شرق

9. الإسكندرية >>> سموحه، كوبري 14 مايو، بجانب نادي النصر، برج جراند سموحه

10. مطروح >>> مبنى جلال، 80 شارع علم الروم، الفيروز، مرسى مطروح

11. طنطا >>> الغربية - طريق أبو بكر الصديق والمأمون البحري، مع تقاطع النحاس والفاتح.