هل كلية العلاج الطبيعى لها تكليف

مميزات علاج طبيعي زي ما فيه بعض الناس طلبوا مني :

1. اولا مده الدراسه 6 سنوات 5 دراسه + سنه امتياز.

2. الكليه معتمده ودي من الكليات القلائل المعتمده في مصر.

3. الكليه حاصله على درجه ال DPT ودي الكليه الطبيه الوحيده فى مصر الحاصله على الدرجه دي.

4. ال DPT يعنى دكتوراه مهنيه وهي عباره عن سنتين دراسه بعد التخرج ( مش اجباري ) ويحق لك بعد اخذهذه الدرجه العلميه كتابه الادويه والشخيص والعلاج وكتابه روشتات ادويه وهاتكون حاصل على درجه دكتوراه مهنيه من غير ماتحضر ماجيستير ودا فى حد ذاته حاجه خياليه ومش موجوده غير فى العلاج الطبيعي فقط لا غير.

5. انتا بتتخرج منها دكتور ويحق لك ان تفتح عياده او مركز للعلاج الطبيعي والسمنه والنحافه.

6. الكليه ليها تكليف يعني بعد ماتتخرج الحكومه بتعينك في مستشفي زي اسنان وطب وصيدله بالظبط.

7. الكليه فيها تخصصات عديده منها عظام - اطفال - باطنه - جراحه عامه - نسا وتوليد وحروق -اعصاب - اصابات ملاعب ولياقه عامه وسمنه ونحافه وبتتخصص بعد التخرج لما تحضر ماجيستير فى احد هذه التخصصات.

8. الكليه مطلوبه جدا جدا فى مصر ومطلوبه اكتر فى خارجها نظرا لقله عدد الخريجين من الكليه الذي لا يتعدي حوالى 2000 خريج سنويا وعلى مستوي الجمهوريه ودا من الجامعات الخاصه والحكوميه مع بعض يعنى بتتخرج على طول وبتتخطف فى الشغل على عكس صيدله او اسنان اللى مالين البلد دلوئتي مع احترامي الكامل ليهم طبعا.

9. عدد الكليات الحكوميه 3 ( القاهره وبني سويف وكفر الشيخ) والخاصه 5 كليات
10. الدراسه فى الكليه كلها باللغه الانجليزيه وبتاخد زيك زي طالب طب بالظبط من حيث المواد دا دكاتره كليات الطب بيجوا يدرسولك مواد زي( anatomy يعني تشريح - physiology يعنى علم وظائف الاعضاء - pathology uيعنى علم الامراض ربنا يعافبنا ويعافيكم - pharmacology يعني علم الادويه الخ الخ الخ .... ).

11. تخصص العلاج الطبيعي من التخصصات الطبيه المكتشفه حديثا حيث اكتشفت عندما ظهرت حالات عديده لاتستطيع الادويه والجراحه علاجها بنفس كفائه العالج الطبيعي لذلك هو مطلوب بشده واسئل برا لو شاكك فى كلامي.

12. مجال شغل العلاج الطبيعي حضرتك دكتور يعني مجال شغلك في المستشفي + انك ممكن تفتح عياده او مركز علاجي كامل ودول اي دكتور سواء متخرج من طب او اسنان ممكن يعنلهم لكن الميزه اللى فى العلاج الطبيعي بقا ان اى لعبه رياضيه مهما كانت واى نادي لازم يكون فى دكتور او اكتر للاشراف على كل لاعب والعنايه به ورفع كفاءته ( يعنى من الاخر ممكن تشتغل فى مستشفي + تفتح مركزك الخاص + تبقى دكتور فى اى نادي فى اي لعبه ).

13. علاج طبيعي هو العلاج الوحيد لخشونه المفاصل واالام العظام كلها بلا استثناء والتهاب الاعصاب وامراض الشيخوخه وكل الاعاقات البدنيه والذهنيه يعنى من الاخر الحالات كتيره وربنا يشفيهم.


واخيرا وليس اخرا انا عن نفسي من 3 سنين فضلت علاج طبيعي عن صيدله لانها كانت جاتلى صيدله وكمان فضلتها عن طب اسنان خاص او طب خاص لانى ببساطه قريت واطلعت واستفسرت ولقيت