-->

يعني اي تنسيق داخلي بقا وايه علاقته بالقبول ؟

/ تاريخ النشر :





يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك   يعني اي تنسيق داخلي بقا وايه علاقته بالقبول ؟.




⏳كلنا قلقانين ومرعوبين من التقديم وهل انا ماشي صح ولا غلط ومعظمنا بيسأل نفس الاسئلة فقررنا مجلس ادارة اتحاد الطلاب المغتربين اننا نعمل #بوست_الاسئلة_المتكررة 💥
🔴س1 / ايه الفرق بين التقديم والقبول ؟
⭐* انك بتقدم ورقك عشان تفتح ملف *ابلكيشن* عشان تكون ضمن قايمة تدخل للقبول
⭐* اما القبول دا بيقولك الف مبروك خلاص تعالى ادفع المصاريف بمجرد انك دفعت كدا انت جوا الجامعه ..
🔴س2 / يعني اي تنسيق داخلي بقا وايه علاقته بالقبول ؟
⭐* تنسيق داخلي يعني لما حضرتك بتقدم يعني بتفتح ملف بتكون ضمن القايمة اللي هتدخل تنسيق فالجامعه اللي لسا قايلين عليها فوق
⭐* وكمان التنسيق الداخلي دا بيختلف من جامعة لتانية ؛ يعني مثلا لو جايب 97 وعايز اسنان ممكن تدخلك جامعة ف تنسيقها وجامعة تانية ترفضك
🔴س3 / امال يعني ايه حد ادنى بقا فالتقديم ؟
⭐* يعني متقدرش تفتح الملف او تدخل التنسيق الداخلي دا غير وانت جايب اقل نسبة اللي الوزارة محدداها وشرطاها ع الجامعات كلها ودي مبتختلفش من جامعة للتانية
🔴س4 / طيب ياتحاد اخر موعد للتقديم فالجامعات الخاصة امته ؟
⭐* والله لسا تقدر تقدم بعد العيد يعني تفتح ملف بعد العيد يعني تعمل ابلكيشن بعد العيد
🔴س5 / معلش هو ايه القبول الفوري دا ؟
⭐* دا يا سيدي اسمه القبول المباشر الفوري ف نفس اليوم بس خلاص كان فيه منه وخلص ؛ لان من السنادي كل الجامعات مفتحتش تقديم فوري يدوب بس الوفد تابع ل (must)اللي طلع جدة هو اللي اخد فوري وبمجاميع محددة فقط لاغير
س6 / القبول هيكون امته يا سادة !
🔴⭐* لما بيظهر التنسيق الداخلي بعد العيد بيكلموك ويبلغوك انك اتقبلت تعالى ي سيدي الفاضل ادفع المصاريف علطول ولازم متتعداش 48 ساعة عشان ميروحش عليك القبول
⭐* فلازم تكون مستعد وبرضو انت تسأل
🔴س7 / امتحان الانجليزي تحديد مستوى ولا تحديد قبول !
⭐* دي بتختلف من جامعة للتانية ودا بيرجع لنظامها هي ؛ وتحديد مستوى يعني بعد القبول بتمتحن فمتشيلش همه اوي انما تحديد قبول يبقا لازم تهتم بيه عشان دا اللي هيأهلك انك تكون فالكلية دي ويدعمك ف التنسيق بتاعها
🔴س8 / التقديم بيكون ازاي !
⭐* بصور الاوراق لو مش متوثقة عادي مش هتفرق المهم انك بتفتح ملف انما ساعة لما تيجي تدفع المصاريف وعقبالكم كلكم ساعتها لازم الاصول
🔴س9 / ماشي بس ايه هو الورق اللي اقدم بيه ؟
⭐* صورة شهادة الثانوية
⭐* صورة شهادة القدرات
⭐* صورة شهادة الميلاد
🔴س10 / ورقة القدرات بتتوثق ولا اعمل ايه فيها !
⭐* بتطبع اعلى درجة وكدا زي الفل لا تروح ولا تيجي بيها ؛ حطها علطول مع اصل شهادة الثانوية وخليهم مع بعض
🔴س11 / لو وثقت اوراقي من السعودية موثقش في مصر ؟
⭐* اه طبعا انت ريحت نفسك برا مصر خلاص يبقا مش هتختم من جوا مصر بحاجة
⭐* اهم حاجة يكون ختم السفارة ( القنصلية) والملحق الثقافي و الخارجية
🔴س12 / البطاقة مهمة فالتقديم ؟
⭐* لا مش مهمة ؛ ابقا انت اعملها عشان اي تفتيش بس حماية ليك واعملها طالب بالخارج
🔴س13 / عايز اعرف الفرق بين جامعة مصر للعلوم والتكنولوجيا و 6 اكتوبر والاهرام الكندية وال msa !؟
⭐* مبدأياً صيغة السؤال غلط ؛ لان مينفعش تفرق بين جامعتين وخلاص فلازم تحدد كلية كذا فجامعة كذا وصيغة الفرق كمان مثلا فالدراسة فالدرجات فالامتحانات فالمعاملات فاي حاجة ✋
🔴س14 / سوق العمل محتاج اي عشان ع اساسه احدد كليتي ! ؟
⭐* حدد كليتك ع حسب هواياتك وميولك انما سوق العمل محتاج كل المجالات ومحدش هيعرف يعيش من غير خدمة مجاله التاني
🔴س15 / النقاب داخل الجامعات بيعمل مشاكل !
⭐* لا طبعاً مفيش الكلام دا كذب
🔴س16 / لو الاسم مختلف في الشهادة عن الباسور فيه مشكلة ؟
⭐• لازم يكون مطابق ده الافضل
🔴س17 / شهادة الاتمام الخاصة بالمقررات بتتوثق ؟
⭐• لا ومش بتقدم بيها اصلا
🔴س18 / التنسيق الحكومي امته !
⭐مفيش معاد نقدر نحدده الا لما يعلنوا رسمي ولكن غالبا بيكون اخر 7 مع بداية 8
🔴س19 / ينفع حد يقدملي ولا لازم انا شخصياً ؟

⭐• اي حد ممكن يقدملك عادي جداً