ازاي تختار وتشتري شقتك ؟
يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك ازاي تختار وتشتري شقتك ؟
ازاي تختار وتشتري شقتك ؟
اولا كدة انت مش كل يوم بتشتري شقة فاي غلطة هتغلطها وانت بتشتري هتفضل معاك طول عمرك ومش بس كدة لما تيجي تبيع شقتك هتبعها بصعوبة يبقي خلينا نقول شوية نصايح كدة تاخدها في بالك وانت بتشتري ركز معايا وهتفهم كل حاجة1-لازم تعرف الاتجاهات قبلي وبحري وشرقي وغربي ودي حاجة بسيطة ممكن تعرفها من اي موبايل ابليكيشن اكتب بس في جوجل بلاي كلمة (Compass ) هتلاقي برامج كتير اختار منهم اي واحد تقدر تحدد اتجاه الشمال اللي هو البحري وده الشمس مبتجيش عليه خالص عشان كدة يفضل يكون الصالون في البحري وفرف النوم شرقي
2-شارع رئيسي ولا جانبي؟ لو انت من محبي الهدوء اوعي تشتري شقة علي شارع رئيسي هتتعب من الدوشة لو الموضوع مش فارق معاك يبقي عادي
3-امامي ولا خلفي ولا جانبي ؟ بص اكيد الامامي اميز حاجة بس عشان بيكون في فرق في السعر ممكن تشتري خلفي او جانبي هما مش وحشين بس حاول يكون ليهم تهوية جيدة والمسافة بينك وبين جارك اللي قدامك لا تقل عن 6 متر
4-بلاش تشتري شقة من غير بلكونة هتزهق البلكونة دي روح الشقة
5-لازم تعرف الدور اللي انت حابب تسكن فيه ولو هتشتري ارضي او روف لازم تعرف مزاياهم وعيوبهم وبلاش تشتري ارضي او روف وانت مش مقتنع بيهم
6-لازم تتاكد ان ليك حصة في الارض وتكون مكتوبة في العقد وياريت متتصرفش من دماغك وانت بتشتري وتاخد معاك محامي مش هيكبفك كتير
7-لازم تتاكد من مستندات مليكة الارض ورخصة البناء وان المبني مش مخالف (لازم محامي)
8-حاول تشتري من مالك وبلاش سمسار لو تقدر السمسار كل همه عمولته وهيلبسك عادي مش هتفرق معاه
9-المساحة الكبيرة حلوة بس الصغيرة مش وحشة اهم حاجة تقسيمة الشقة تكون كوبسة وتتفرش صح يعني بلاش حاجات ملهاش لازمة زي النيش مثلا استغل كل مساحة ومش هتحس ان شقتك صغيرة
10-حاول تشتري شقة في عمارة ليها جراج هتصون عربيتك
11-بلاش تشتري علي المحارة اشتري علي الطوب احسن لان اغلب شركات السوق بتعمل محارة سيئة ورخيصة وعشان تعالجها هتكلفك كتير ومش محتاج اقولك ان المحارة دي اهم بند في بنود التشطيب
12-بلاش تكون قطعة الارض اللي عليها العمارة فيها شطرات عشان هتلاقي زوايا الشقة مش متعامدة وهتقرفك في الفرش
13-لازم تعرف صافي مساحة شقتك (راجع البوست اللي فات)
14-لو هتشتري شقة تحت الانشاء معني كدة انك هتشتري علي الرسم وعشان متتقاجش بعد ما تستلم شقتك لازم تكون عارف ايه هي اقل ابعاد ممكن تقبل بيها وشوية حاجات تاخد بالك منها زي
الصالون يكون قريب من السلم وحمام الضيوف
غرف النوم متكونش مكشوفة من الصالون
غرف النوم يفضل تكون في الاتجاه الشرقي
تهوية الغرف من الشارع افضل بكتير من المناور
بلاش تكون الطرقات اخرها حائط سد
اقل ارتفاع للدور 2.70 م
لازم كل غرفة يكون فيها شباك واحد علي الاقل مساحتة لاتقل عن 8% من مساحة الغرفة و15% في حالة المطبخ او الحمام
الحد الادني لعرض الباب 80 سم في غرف النوم و 70 سم للحمامات والمطابخ
غرف النوم اقل مساحة 7.5 م2 واقل ضلع في الغرفة 2.5 م
حمام الضيوف اقل مساحة 0.8 م2 واقل ضلع 0.8 م
المطبخ اقل مساحة 3 م2 واقل ضلع 1.5 م
عرض السلم لايقل عن 1.10 م
عرض الطرقة داخل الشقة لايقل عن 1 م
