كيف اكتب رغبات التنسيق

كتابة الرغبـــــات !! ..

* مين اللي هيكتب ؟؟ و أمتي ؟ 
دلوقتي الناس اللي جايبة فوق الحد الأدني للمرحلة الأولي *(الشعبة العلمية 390 درجة - الشعبة الهندسية 374 درجة - الشعبة الأدبية 326 درجة )*
هتكتب التنسيق من اول بكرة .. 
المرحلة التانية هتبقي بعديها و لسه هتتعلن الحد الأدني ليها بعد المرحلة الاولي و هنقولكم عليها طبعا ساعتها .. المرحلة التالتة نفس الكلام بعد المرحلة التانية ..

* بتتكتب فين ؟؟

الرغبات ممكن تكتبها ع النت من أي حته ف العالم .. او ممكن تروح مكتب التنسيق تكتبها هناك !! .. مفيش أي فرق خالص .. 
ع النت .. معاك حوالي اسبوع تكتب و تغير في الرغبات براحتك .. زي ما تحب لحد اخر ثانية ف الفترة المتحددة .. 
الناس اللي هتروح مكاتب التنسيق .. طبعا عشان الدنيا بتبقي زحمة جدا .. ف بيقسموكم شرايح حسب المجموع .. مثلا فوق 98 يبقي يوم السبت .. فوق 97 يوم حد .. هكذا .. الشرايح دي بتتعلن ممكن علي بكره إن شاء الله ... و كالعادة أول ما يعلنوا هنقولكم إن شاء الله .. بس الموضوع مفيش فرق خالص .. شريحة الاولي زي الاخيرة عادي جدا كله هيبقي متاح يكتب اي كلية عادي .. بس التقسيم عشان الزحمة مش أكتر ;)

*الرغبات و التنسيق !! 

الرغبات بتبقي قبل التنسيق .. يعني زي ما قلنا قبل كده المرحلة الاولي كلها بتكتب رغباتها .. و يجمعوها و يشوفوا بقي كل كلية هيدخلها كام واحد ؟؟ و يشوفوا اكتر ناس من اللي عايزين الكلية دي رغبة أولي و يرتبوهم حسب المجموع و يختاروا اعلي ناس حسب العدد اللي عايزينه .. و يبقي اقل واحد ف الناس دول مجموعه هو الحد الأدني للكلية دي .. 
يعني أي كلام ع التنسيق و المؤشرات دي .. مجرد توقعات مش حقيقة .. ممكن يبقي اقل بس مينفعش يزيد عنها إن شاء الله ..
* طب هنكتب الرغبات إزاي ع النت ؟؟ 
1. هتفتحوا الموقع دا : اضغط هــــــــــــــــــــنا
هتلاقي " خدمات تنسيق الثانوية العامة " ..زي الصورة رقم 1 : هتدوس عليها ..