ماهي افضل اقسام كلية الالسن

طبعا كليه جميله جدا و من كليات القمه ف ادبى و مش موجوده غير فجامعتين بس واحد ف #جامعة عين شمس و و احد فى جامعه #المنيا .

طبعا بتاع #عين_شمس هو الاكبر و فيه أقسام اكتر و تنسيقه اعلى و فرص شغله احسن .

كليه الالسن هى المكان الوحيد ف مصر اللى بيخليك تتقن اللغه اللى انت مختارها و تتكلم بيها و تتعامل بيها زى لغتك الام بالظبط .

خريج كليه الالسن مش بس بيشتغل #مترجم . دا بيشتغل مترجم و #مصحح_لغوى و #مرشد سياحى و #مدرس و ممكن #معيد و #دكتور فالكليه لما ربنا يكرمه .

من لاخر دلوقتى مفيش شركه مش محتاجه #لغات و انت بتطلع من الكليه معاك لغتين و ممكن تلاته .

فى أقسام كتير ف الكليه بتطلع منح لدارسيها زى قسم اللغه الصينيه و قسم اللفه الالمانيه و البرتغاليه و التركيه . كتير من الطلاب بيسافروا يدرسوا سنه كامله و ساعات سنتين فالبلد التانيه على حساب الكليه او على حسب المنحه ...

مكتبه الكليه تحفه فيها أى معجم ممكن تتخيلوا . دى فيها قاموس هيروغليفى !!!! . .

ليها ميزه برضو بالنسبه للطلاب المغتربين ان المدينه الجامعيه (بتاعت الولاد) لازقه فالكليه و البنات مش بعيده برضو...

اكتر قسم مميز فى الكليه قسم اللغه الكوريه . كل الدكاتره كورببن . عدد الطلاب بالكتير 20 طالب . بيروحوا السفاره علطول و غالبا كلهم بيسافروا يشتغلوا هناك حتى قبل ما يخلصوا . و اليابانى كدا برضوا #.

اياً كانت اللغه بتاعتك حتلاقى ناس هى دى لغتهم الاصليه . دول بيبقوا مرشقين فالكليه .هم بيدرسوا برضوا . بس بيدرسوا اللغه العربيه لغير الناطقين بها . و كل قسم بيبقى فيه دكتور على الاقل من بلد اللغه دى

================================

#عيوب الكليه 

__________

اول عيب طبعا ان مفيش منها ف اسكندريه .. عشان كده حتلاقى اغلب اللى فيها اقاليم ..

معظم الطلاب بنات ...

المصاريف تعتبررمزيه بس الموضوع ده بيعوضوه فالكتب و القواميس و كدا بحيث ان الكتب فالتيرم الواحد بتعمل حوالى 350 جنيه ..

فى كمان ان المرافق مش أد كده . .

النظام فيها رخم شويه . الدكاتره المصرين كتير منهم عامل زي الموظفين الحكوميين الغلسيين دول ..

الكليه خمس ادوار و كل دور فيه لغتين . الاسانسير بتاع الدكاتره بس. و صدقنى حتتطلع و تنزل ياما اوى ...

المحاضرات تقريبا كل يوم لحد الساعه 3 و فى ثلاثه ايام فالاسبوع حتبقى عندك محاضرات لحد 6 مساءا متواصل .

الدراسه مش سهله . محتاجه قوه أراده و مذاكره بقلب . انا عن نفسي اكتشفت انى كنت بلعب ف ثانويه عامه مقارنه بالكليه . بس تستاهل والله .