خطوات تخليص عدم الممانعه(فيزا) في مصر من كشف طبي وخلافه
يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك خطوات تخليص عدم الممانعه(فيزا) في مصر من كشف طبي وخلافه.
2- وانت رايح الحجر الصحي يكون معاك اصل عدم الممانعه وجواز السفر والبطاقه و اربعه صور شخصيه خلفيه بيضاء و 1150 جنيه
3-لما تدخل الحجر هتاخد رقم وتنتظر دورك ..لما يجي دورك هيراجعوا ورقك وهياخدوا منك اصل عدم الممانعه بس ويقولك روح ادفع في الخزنه ..هتدفع 900 جنيه وهيدوك 3 ايصالات واحد تكشف به طبي وواحد تعمل به تحليل الدم وواحد تستلم به النتيجه .. هتاخد الايصالات ويقولك تعالي خد النتيجة بعد 20 يوم .
4-بعد ما تخلص من الحجر تطلع علي طول المستشفي علشان تكشف طبي .. المستشفي اسمها وعنوانها علي الايصال وهي موجوده جنب الحجر خطوتين بس .. هتروح المستشفي ياخدوا منك الايصال بتاعهم وصورتين ومش هياخدوا فلوس وهتخش تكشف صدر ونظر وهياخدوا منك عينة بول ودم لما تخلص مش هتاخد منهم حاجه النتيجه هتاخدها من الحجر زي ما قولنا بعد 20 يوم ومش هتاخد منهم اي ايصالات .
5- بعد ما تخلص المستشفى هتطلع علي معامل وزاره الصحه علشان تحليل الفيروس وده موجود في عابدين شارع الشيخ ريحان هتاخد المترو وانت في الدقي وتنزل محطة محمد نجيب ولما تنزل اسال علي معامل وزارة الصحه . هناك هياخدوا منك 250 جنيه وصورتين وياخدوا منك العينه وكده انت خلصت ومش هتاخد منهم اي ايصالات .
6- هتنتظر النتيجه بعد 20 يوم في خلال المده دي تروح تعمل فيش كمبيوتر موجه للسفر للكويت وده تعملوا من العباسيه ب15 جنيه هتاخد المترو وتنزل محطة العباسيه ولما تخرج اسال علي الادله الجنائية اللي بيعملوا منها الفيش هيدلوك .
7- هتاخد الفيش وعقد العمل بتاعك وتروح توثقهم من وزارة الخارجيه .. وفي كذا مكتب لوزارة الخارجيه واحد منهم موجود في موقف الترجمان هتاخد المترو وتنزل محطة احمد عرابي وتسال علي موقف الترجمان الجديد هتلاقيه مول كبير المكتب موجود في الدور الثاني هتوثق كل ورقه ب 11جنيه .
8-كده انت خلصت ومستني نتيجة الحجر الصحي لما تجيبوا من الحجر هيقولك ادفع حوالي 350 او 400 في البنك اللي جنب الحجر باسم دولة الكويت ..هتدفع وتاخد الايصال .
9-هتاخد الايصال وعدم الممانعه وجواز السفر والفيش وعقد العمل وخد معاك صور احتياطي وتروح علي مجمع التحرير وطبعا ده معروف .. وتروح علي ادارة الخبره في الدور الثاني علشان يراجعوا ورقك هياخدوا منك الجواز ويقولك تعالي خد التاشيرة في خلال اسبوع او اتننين ...
10- بعد ما تاخد التاشيرة مش هيبقي فاضل الا انك تحجز التذكرة وتجيب تصريح سفر من الجيش وتصريح عمل او الضرائب زي ما بيسموه .. وبالتوفيق
 في مصر من كشف طبي وخلافه){kind=link}