الدراسة في "روسيا"
يقدم لكم موقعكم المتميز العاصمة وبخاصة لمتابعية العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك الدراسة في "روسيا.
هنتكلم النهارده عن الدراسة في "روسيا"
وبالتحديد مدينة "Nizhny Novgorod"خامس اكبر مدينة في روسيا وتعتبر من ارخص المدن في روسيا للمعيشة.
- الدراسه هناك تعتبر من أرخص الدول
- مش بتتطلب نسب معينه للقبول في الجامعة
- 90% من الجامعات شهادتها معترف بيها في مصر ودول تانية
- إجراءات السفر سهله
❇️ هل الفيزا سهل الحصول عليها وايه الأسعار ؟
الفيزا الدراسية تكلف 200 دولار تدفع للجامعه الي بتطلع الدعوه و المكاتب بتاخد عمولة تتراوح من 1000-1500 دولار وممكن تقدم مع مندوب للحمله بقيمة 400 دولار.❇️ ايه الشروط المطلوبه للقبول ؟
مفيش مقابلة ولا اختبار أيلتس ولا توفل ولا حتى كشف حساب برضو ومفيش شروط قبول ولا في تنسيق بس لازم يكون السن 18 سنه او فوق.* ايه التخصصات الي موجوده في الجامعه ؟ وايه لغة الدراسة
جميع التخصصات موجوده ومتوفرة بالروسي وبالانجليزي ماعدا كليات الطب لغة روسية فقطتكاليف السنة التحضريه كام تقريبًا ؟
تكاليف السنه التحضيرية 115 الف روبل ما يعادل 1900$ والسنه التحضيرية اجبارية !
❇️ هل في إمكانيه تحويل أو مثلًا أكمل دراستي هناك ؟
لو حد مثلًا حب يروح يكمل هناك بيقدم عادي وبيقبلوه بس طبعًا بيعيد من الأول لو نفس تخصصه وده الأفضل ليه.
❇️ هل المعيشه غاليه هناك وايه اخبار السكن ؟
- المعيشه هناك من 150 لـ 300 دولار شهريًا تقريبًا وتختلف حسب احتياجات كل شخص والسكن الجامعي يكلف 200 دولار سنويا.
- المعيشه هناك من 150 لـ 300 دولار شهريًا تقريبًا وتختلف حسب احتياجات كل شخص والسكن الجامعي يكلف 200 دولار سنويا.
❇️ الشهاده معتمده أو لا ؟
الشهادة طبعًا معتمده في مصر وبره مصر فـ دول كتير ..
❇️ هل في إمكانيه للشغل أثناء الدراسة ؟
الشغل قانوني في روسيا وعادي الطالب يشتغل بس لازم تنبه الجامعه والجامعه بتحطلك مواعيد ينفع تشتغل فيها.
الشغل قانوني في روسيا وعادي الطالب يشتغل بس لازم تنبه الجامعه والجامعه بتحطلك مواعيد ينفع تشتغل فيها.
❇️ فيه نظام ترم يبدا في شهر 9 وترم يبدا في شهر 12 والاتنين واحد بنفس المصاريف .
** بالنسبة للسنه التحضيرية ليها نوعين :
** بالنسبة للسنه التحضيرية ليها نوعين :
- سنه كامله : ودي بتدرس فيها لغة روسية وعلى اخر السنه بتدرس شوية بدايات مواد متعلقه بكليتك بالروسي
- سنه ونصف : ودي نفس السنه العادية ولكن بتاحد السنه كلها روسي يدون مواد وتاخد نص سنه مواد باللغة الروسية.
❇️ بداية التقديم للفصل الخريفي "شهر 9 " 1/7/2018 وتنتهي 25/8/2018
❇️ بداية التقديم للفصل الشتوي "شهر 12 " 1/9/2018 وتنتهي 30/12/2018
------------------------------------------------------
❇️ بالنسبة لخطوات التقديم والحصول على الفيزا:
1- هتحتاج فقط صورة من جواز السفر " كاملا جميع الصفحات" و شهادة الثانوية العامة.
2- هتتواصل معانا على الصفحه للتقديم والحصول على القبول الدراسي - الدفع للفيزا الدراسية يكون بعد الحصول على صورة القبول الدراسي المختوم من الجامعه -
3- بعد الدفع سيتم اصدار الفيزا الدراسية وبعدها يتم دفع مصاريف الجامعه عن طريق حوالة لحساب الطالب مباشرة لحساب الجامعه.
4- بعد 3-4 اسابيع من الدفع واصدار فاتورة الطالب سيتم اصدار الدعوه و تروح السفارة الروسية في مصر تستلم الفيزا والدعوه الدراسية
5- هتكون مرحلة حجز الطيران والسفر للمدينه ويفضل تروح قبل بداية الدراسة ب اسبوعين بحيث تعرف الدنيا هناك وتشوف الجو.
موفقين جميعًا ✨
