كلية طب الأسنان

كلية عملية تجمع بين الطب والفن والهندسة 🤙 فيها كل حاجة بالمقاس وفيها رسم ونحت وطبعًا بيبقا تحت إيدك حياة مريض ..

بتضم كلية طب الفم والأسنان في مختلف الجامعات المصرية 11 قسم مختلف؛ وهما قسم طب الفم وعلاج اللثة والأشعة، قسم الاستعاضة الصناعية، قسم العلاج التحفظي، وقسم التيجان والجسور، وقسم علاج الجذور، وطب أسنان الأطفال، وقسم التقويم

بجانب قسم المواد الحيوية، وقسم الجراحة، وقسم بيولوجيا الفم والأسنان، وقسم باثولوجيا الفم والأسنان

كـ كلية مش زي ما الكل متخيل انها أسهل من طب بشري لا خالص، هي كلية صعبة ومحتاجة شغل كتير والميزة في طب الأسنان انك بتشتغل بإيدك أكتر من طب بشري ..
عشان تدخلها لازم أولاً تكون حاببها ثانيًا تكون مركز في كل كلمة بتتقال جوا الكلية لأن من أولى لحد ما تتخرج كلو مرتبط ببعض بشكل كبير جدا ..
الكلية 5 سنين .. أسهل سنة طبعًا سنة أولى .. وأرخم سنة أو اللي الغالبية بيقولوا عليها رخمة يعني بتبقا تالتة ..
ميزتها إنك بتتخرج بتشتغل علطول مش لازم تحضر ماجستير عشان تفتح عياده زي طب بشري ..
الكلية 5 سنين و سنة إمتياز
هتحس إنك دكتور بداية من تانية الترم التاني كده 😂 هتلاقي نفسك بدأت تعرف أمراض كتير وعلاجاتها وكده وهتكون فهمت جزء كبير في أسنان ..