ايه كلية الفنون التطبيقية دي ؟ وهطلع منها ايه ؟

- طيب المصمم ده دوره ايه !!

👈 هتلاقي دوره في كل حاجة حواليك او بتستخدمها
حرفيا من الإبرة للصاروخ عشان كده الكلية فيها 14 قسم شاملين كل المجالات
يعني الكرسي اللي انت قاعد عليه و انت بتقرا البوست ، التيشرت اللي لابسه ، الاضاءة اللي في اوضتك ، التصوير اللي في الفيديو ده كله من الاخر اي حاجة حواليك او بتستخدمها في يومك مصمم فنون تطبيقية هو أساسها ، شوفت بقا انها مش كلية رسامين ولا فرافير 😂
ــــــــــــــــــــــــــــــــــــــــــــ
- طيب ايه الاقسام الموجوده فيها ؟

👈 كلية فنون تطبيقية خمس سنين اول سنة إعدادى بعدها بتتخصص في القسم على حسب تقديرك في اعدادي👇

1- قسم التصميم الداخلى والأثاث ( ديكور)
2- قسم التصوير الفوتوغرافي والسينمائى
3- قسم الاعلان (جرافيك)
4- قسم الطباعة والنشر والتغليف
5- قسم المنتجات المعدنية والحلى
6- قسم الاثاث والانشاءات المعدنية والحديدىة
7- قسم الغزل والنسيج والتريكو
8- قسم طباعة المنسوجات والصباغة والتجهيز
9- قسم الملابس الجاهزة
10- قسم التصميم الصناعى
11- قسم النحت والتشكيل المعمارى والترميم
12- قسم الزخرفة
13- قسم الخزف
14- قسم الزجاج
ــــــــــــــــــــــــــــــــــــــ
طب الكلية تابعة لنقابة ايه ؟
👈 نقابة مصممى الفنون التطبيقية ماعدا قسمين بيتبعوا نقابة المهندسين (قسم الغزل والنسيج وقسم طباعة المنسوجات )