-->

امتحان القبول في جامعة مصر الدولية 2019/2020

/ تاريخ النشر :




يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك  امتحان القبول في جامعة مصر الدولية 2019/2020.

متحان القبول في جامعة مصر الدولية


  1. اتعرّف على اللي معاك في الباص وخد نمرهم عشان هتحتاجهم بعد كده.
  2. وانت على باب الجامعة، طلّع الID بتاعك وورّيه لرجل الأمن، وبعدها حط شنطتك على جهاز تفتيش، وبعدها فيه جهاز بتحط قدامه الID ويصفّر، وصورتك هتظهر على شاشات باينة من ناحية رجال الأمن عشان يتأكدوا من الصورة إنه أنت فعلا.
  3. حاول تكسب حب الدكاترة بإنهم يشوفوا منك اجتهاد وحرص على المعلومات من أول يوم، أيوة أول انطباع بيسيب علامته.
  4. اتكلم مع كل اللي معاك في الgroup واتعرّف عليهم، هتلاقي الدنيا مشيت شوية.

الدرجات

  1. الGPA يعني المجموع التراكمي للدرجات، وأعلى درجة فيه 4 وأقل درجة 0. وصحيح ماعندناش A+ زي بعض الجامعات الأخرى، أعلى درجة هي A.
  2. درجات كلية طب الفم والأسنان وكلية الصيدلة عامةً بتتأخر عن باقي الكليات، ومرة درجات تجارة ظهرت آخر درجة، عادي ماتخافش.
  3. لما الدرجات تنزل، الموقع هيقع فجأة، ماتقلقش، الضغط بيكون كتير عليه بس.
  4. لو جالك مكتوب blocked due to advising، يبقى أتت نازل مراقبة (probation). والمراقبة (probation) معناها إن الGPA بتاعك أقل من 2 بمعنى أقل من “مقبول”، وده معناه إن السيمستر الجاي هتاخد عدد مواد قليلة عشان تعرف تعلّيه. لو جالك probation ثلاث مرات، هيتم طردك من الجامعة تمامًا.
    أما لو جالك مكتوب blocked due to accounting، يبقى أنت مش مكمّل مصاريف السيمستر ده.
  5. بعد ظهور الدرجات بكام يوم، الجامعة هتبعت إيميل إعادة رصد الدرجات. إعادة رصد الدرجات معناها إنهم هيبصوا على الورقة اللي مكتوب فيها كل الدرجات بتاعتك (أعمال السنة + الميدتيرم… إلخ)، بس مش معناها إنهم هيبصوا على الامتحان تاني ويشوفوا حليت صح ولا غلط. دي كانت ب400 جنيه السنة اللي فاتت، فالله أعلم لو هتتغير.
  6. ودي طريقة حساب الدرجات في الجامعة:

الباصات

  • الshuttles:
    فيه باصات اسمها shuttles. دي باصات عادية جدا من ناحية الشكل أو الحجم.
    الفرق بين الshuttles والباصات العادية:
    – إن الشاتل بيعدي على نقاط التجمع الرئيسية وفيه حتت مش بيعدّي عليها.
    – فيه شاتل الساعة 8:45 و9:45 الصبح عند النقطة الرئيسية لمنطقة معينة، زي النادي الأهلي لسكان مدينة نصر أو كايرو فيستيفال لسكان التجمع.
  • مواعيد الباصات:— مواعيد الباصات في الذهاب:
    7 (باصات عادية)
    8:45 و9:45 (shuttles)
    — مواعيد الباصات في العودة:
    1:30 و3 (shuttles)
    4:50 و6 (باصات عادية)
  • في أماكن معينة، باص 6 بيكون shuttle.
  1. لو أنت من التجمع و فاتك باص الصبح بدري، اركب أي حاجة وروح على التسعين، فيه باصات للجامعة بتقف قدام المستشفى الجوي عند ماكدونالدز.
  2. لحد السنة اللي فاتت ماكانش فيه shuttles لمنطقة المقطم إلا الساعة 3.
  3. مواعيد الباصات شديدة جدًا، يعني لو قايلين إن ميعاد تحركه 3 يبقى هيتحرك 3 بالضبط مش 3:01 حتى، فماتفكرش تقعد دقيقة زيادة مع صاحبك أو تروح تجيب حاجة بعد الميعاد.
  4. في وقت الامتحانات، هيتبعت لك على الإيميل جدول بمواعيد الباصات الصبح، الميعاد المكتوب إنه يوصل فيه بيكون ميعاد دخول الباص لمنطقتك، المهم إنه في الامتحانات اعمل حسابك تنزل تِلت أو ربع ساعة بدري عن ميعادك الطبيعي.
  5. لو الباص اتأخر عليك وودّاك المحاضرة متأخر، هيعدّوا عليك بورقة في الباص هتكتب عليها اسمك والID بتاعك عشان يتحسبلك حضور.
  6. مصاريف الباصات مالهاش علاقة بالمنح أو التخفيض اللي ممكن يحصل لمصاريف الكلية نفسها.

الحضور

  1. من حقك تغيب 25% من عدد المحاضرات إجماليًا،مثال: لو السيمستر 30 يوم، والمادة دي بتاخدها مرة في الأسبوع، يبقى كده رُبع عدد المحاضرات هيبقى محاضرة واحدة ومعناه إنك من حقك تغيب في المادة دي مرة واحدة بس.
    لو فوّت أكتر من 25% من عدد المحاضرات، هيجيلك drop في المادة دي.
  2. من حقك إنك تتأخر عن المحاضرة 10 دقايق. أكتر من كده، من حق الدكتور مايكتبش اسمك في ورقة الحضور.
  3. لو هتغيب عشان أي عذر، لازم تودّي ورقك للجامعة قبلها مش بعدها عشان يحسبوك حضور.
  4. لو كل الجروب اتفقوا إنهم مايحضروش محاضرة معينة، كلهم هينقصوا درجتين من درجات الحضور.

الجداول

  1. الجامعة بتبعت إيميل بمواعيد اختيار الجداول على حسب الكليات والدفعات، وبعدها بتتعبت جداول بالمواد اللي المفروض تاخدها السيمستر اللي جاي، وبتختار الأنسب ليك وبتسأل عن الدكاترة وفكّر في بديل له كمان، وبعدها بتدخل على موقع الportal بتاعك في الميعاد اللي الجامعة حددته لكليتك ودفعتك وتختار الجدول اللي عايزُه.
  2. في حالة إنك مالحقتش تختار الجدول اللي عايزُه، بتختار الجدول البديل اللي فكرت فيه.
  3. في حالة إنك مالحقتش تختار أي جدول (وده ممكن يحصل في خلال 5 دقايق بس)، حد من مكتب الاستشارات (advising) هو اللي هيحط جدولك بالدكاترة والمواعيد وكله،
  4. تقدر تعمل حذف وإضافة (add and drop) لأي مادة خلال أول أسبوع من الدراسة وبيتحدد ميعاد بيقفل فيه.
  5. ماينفعش تعمل حذف (drop) لأي مادة إنجليزي.
  6. ماينفعش تعمل إضافة (add) لمواد، وانت جدولك حد من الadvising هو اللي حاطّه. وماينفعش تعمل حذف أو إضافة (drop and add) وأنت لسه مادفعش مصاريف السيمستر كاملة.

المصاريف

  1. لحد أول يوم جامعة ممكن تاخد مصاريفك كاملة لو حوّلت جامعة تانية عادي، ولحد شهر من بداية الدراسة هتاخد 90% من اللي دفعته، بس بعد كده مش هتاخد حاجة خالص.
  2. مصاريف الكلية ومصاريف الباصات بيبانوا على الstudent portal بتاعك، بتدخل عليهم وتختار البنك اللي عايز تدفع فيه، سواء EDBE أو HSBC وبتطبع إذن الدفع وبتروح تودّيه للبنك وتدفع المبلغ هناك.

الأنشطة جوا الجامعة

فيه clubs جميلة جدا جوا الجامعة، ودي صفحاتهم:


وللرد على اي سؤال او استفسار لا تتردد بترك تعليقك اسفل الصفحة وسيتم الرد عليه في اسرع وقت.

تنبيه الي جميع متابعي موقع العاصمة نيوز قد لا نكون في بحث جوجل المره القادمة فاذا اردت البحث عن اي شي فقط اكتب في بحث جوجل ( العاصمة نيوز).