بستلة المعجون تفرد كام متر
يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك بستلة المعجون تفرد كام متر.
سعر المتر المسطح نقاشة فى البوست انا حاسبه على ١٥ جنية ولكن ممكن يوصل ل ٢٠ جنيه حسب المواصفة
وبالتالى لو هنشتعل ب ٢٠ جنيه هنضرب كل الارقام دى فى ٢٥ % هيطلع نفس الترتيب لان الهدف من البوست معرفه كيفية التسعير مهما تغير السعر ... وصلت👌😉
هتنفترض ان متوسط سعر مصنعية النقاشة مثلا 15 جنية للمتر المسطح للتشطيب المتوسط على مواصفة :
↩️ وش سيلر+ 2 سكينة معجون و1 تلقيط + 2 وش بطانة +1وش فينيش ( يزيد او يقل طبعا حسب مراحل النقاشة ونوع التشطيب )
..السعر ده على اساس التكلفة الفعليه الى ياخد بيها نقاش مش مهندس انما انت زود عليها هامش ربحك برده
.. المهم نفهم ازاى نحسب التكلفة ؟؟ 🤔
تعالو نحسبها ✔️
↖️علشان اعرف احدد السعر لوحدة المتر المسطح لبند النقاشة لازم ابقى فاهم ان مش كل النقاشة زى بعض النقاشة بتتقسم مراحل 5 مراحل او 6 او 7 او 8 حسب جودة التشطيب العام ( لوكس - سوبر لوكس - الترا لوكس ) وهكذا ..
↙️دايما ف السوق تسمع ان علشان تحسب مسطحات حوائط وسقف لاى شقة يقولك اضرب مساحة الشقة فى 3 ! بس مع طبعا الحصر الواقعى لاكتر من شقة بمساحات مختلفة وان كده كده الشقق مساحتها الفعليه اقل من كده علشان نسبة الخدمات والكلام ده خلينا على الاقل هنمشيها ننا نضرب مساحة الشقة X مرتين ونص يدينا مسطحات حوائطها وسقفها .
👌يبقى علشان نعرف نحدد السعر لازم نعرف ايه هى المراحل :
1-تنضيف ومراشمة و #سيلر : ودى تعتبر اول مرحلة ونقدر نقول ان صنايعى واحد
يقدر يخلص مسطح تقريبى 250 متر مسطح حوائط وسقف ( الحساب على انتاجيات عمل شقة متوسطه مساحتها 100 متر ) فى حوالى يومية .. بفرض اليوميه ب 160 جنية .. يبقى التنضيف والسيلر هيقف على الصنايعى ب 60 قرش ,,
انت هتتحاسب علي مرحلة السيلر المتر ب 1 جنية ؟؟ يعنى كسبان حوالى 40 قرش فى المتر مسطح مرحلة السيلر💰 ... الحمد لله نعمة ورضا !
2- #المعجون : هنحسب ان المواصفة عدد 2 سكينة معجون وتلقيط هنقول لنفس متوسط الحسابات ان لنفس مساحة الشقة سكينة المعجون الواحدة هتاخد حوالى 4 يوميات صنايعية ويومية صنفرة يعنى 5 يوميات يعنى حوالى 800 جنية يعنى تقريبا المتر الواحد معجون السكينة الواحدة واقف عليا ب 3 جنية مصنعية و التلقيط هياخد يومية
لو هتتحاسب عليه ب 3.5 يبقى كسبان حوالى 50 قرش فى السكينة 💰.
يعنى سكينتين معجون وتلقيط المساحة دى هتاخد حوالى 11 يومية يعنى 1760 جنية
يعنى المتر المسطح علشان يتعمل معجون بالمواصفه دى هيكلفنى تقريبا 7 جنية .
انت هتاخد مرحلة المعجون ب 8 جنية .. يعنى كسبان جنية فى المعجون💰 . الحمد لله
3- #البطانة : هنشتغل ان المواصفة 2 وش بطانة
علشان ابطن الشقة لنفس المساحة دى هنحتاج يومية ونص للوش الواحد يعنى هيكلفنى 240 جنية مثلا يبقى تقريبا وش البطانة واقف عليا ب 1 جنية
يعنى وشين بطانة هيكلفونى تقريبا 2 جنية وانت هتتحاسب عليهم الوش الواحد البطانة ب 1.5 جنية يعنى الاتنين ب 3 جنية ... يعنى انت كسبان مرحلة البطانة 1 جنية 💰.. الحمد لله 🙏
4 - #الفينيش : هنشتغل ان المواصفة 1 وش فينيش فقط
وش الفينيش هيكلفنى ازيد شويه من وش البطانة لو هضرب الالوان على الطبيعة والعميل يختار اللون واعمله حائط تجربة والكلام ده بيعطل الصنايعى بس لو هنحسبها بالمتوسط نقدر نقول ان المتر ممكن يقف عليا ب 1.5 جنية
انا هتحاسب على وش الفينيش ب 3 جنية ! يعنى هتكسب مثلا فيه فى حدود ال 1.5 جنية 💰فى وش واحد فينيش طب اشمعنى ؟
لان دايما فى الشغل بيخلو مكسبك فى الاواخر علشان يفضل رابطك طول فترة الشغل ومعشمك بالمكسب .. وعلشان كمان لو شغال فى شغل عمارة مع مقاول مش شركة ممكن يجى اى وقت يقولك انا هكتفى بالبطانة والفينيش على حساب الى هيشترى الشقة فيبقى اخرلك اكبر جزء من مكسبك 💸..
☑️طيب كده تعالى نلخص كل اللى اتكتب علشان نشوف الدنيا مشت ازاى ؟
#السيلر : كلفنى 60 قرش اتحاسبت عليه ب 1 جنية كسبت 40 قرش
#المعجون: كلفنى 7 جنية اتحاسبت عليه ب 8 جنية كسبت 1 جنية
#البطانة : كلفنى 2 جنية اتحاسبت عليه ب 3 جنية كسبت 1 جنية
#الفينيش : كلفنى 1.5 جنية اتحاسبت عليه ب 3 جنية كسبت 1.5 جنية
يعنى المتر : كلفنى 11 جنية اتحاسب عليه ب 15 جنية كسبت 4 جنية . زى الفل🤗
يعنى لو شقة مساحتها 100 متر مسطح .. ( يعنى مسطح حوائطها وسقفها حوالى 250 متر مسطح ) ومواصفه الشغل :
سيلر وسكينتين معجون و 2 وش بطانة و1 وش فينيش
واخدت المتر ب 15 جنية ... هيبقى مكسبى فى حدود ال 4 جنية
يعنى مثلا هكسب فى الشقة 4* 250 متر = 1000 جنية 🤑💲 . ممتاز جدا
⚠️بس الدنيا مش ورديه كده ! هيقابلك مشاكل كتير زى تاخير فى التشوينات وان فى يوم ممكن يضطرو يشتغلو نص نص لان مافيش بضاعة طلعت او طلعوها فى دور غلط ولازم حد ينزل يطلعها ,, طيب عايزين عامل .. طيب طلعوها انتو واحاسبكم عليها .. ماهو كله على حساب الشغل واليوميات !
او تلاقى اجزاء فيها مرمات ! وهتاخد شغل معجون كتير عشان تتعدل او فورم الجبس عايزه تتظبط علشان فيها عيوب ولازم تعملها والوزر تحت مش مليان مونه كويس ولازم يتظبط ! عادى كل ده وارد جدا 😏
⬅️طيب يعنى لو قدامى شغل نقاشة معروض على 15 جنية بالمواصفات دى يا باشمهندس اخده ؟؟ ..... لا ... ليه 🤨!! لو انت نقاش وهتشتغل بايدك خده ب 15 جنيه
مانت قلت هيتكلف 11 وهكسب 4 ! ايوه ممكن فعلا لو نقاش خدها يكسب كده انما لو مهندس خدها مش هيعرف يكسب كده !🤨
النقاش لو فى اى مشكله هينزل يناول نفسه وممكن يطلع باستلات معجون بايده ويتصرف علشان يشتغل وينجز انما لو انت واقف هيقولك انا عايز عامل !
⬅️النقاش لما بيبقى واخد الشغل لحسابه بينتج فى الشغل الى واخده طريحة اكتر لما يشتغل يوميه عندك .
⬅️النقاش لو واحد الشغل لحسابة هيعمل الشغل مظبوط من اول مره لانه مش عايز يعيد تانى على اى حاجه علشان مايخسروش وقت وفلوس انما لو مش واخد الشغل لحسابه لانه مش هيبقى فارق معاه انه يعيد تانى فى يوميه تانيه عادى لو الشغل ماعجبكش اهو كده كده بيعد يوميات عليك 💸!
⬅️النقاش لو واخد الشغل لحسابه هيصنفر على اللمبة علشان لما المهندس يستلم منه باللمبة يلاقى الشغل مظبوط من اول مره ويسهل جدا بعد كده معاه فى التلقيط ..
☑️طيب #الخلاصة : الهدف من البوست مش انك تجيب نقاشين باليومية وتشغلهم ... لا علشان ماتكعبلش نفسك فى الاول لازم هتتفق مع نقاش هياخد هو المتر ب 15 جنية وانت هتاخدها من الشركة مثلا ب 17 جنية وهيبقى مكسبك ال 2 جنية دول مقابل انك واقف على الشغل وانك بتدى النقاش فلوس كل اخر اسبوع حتى لو ماصرفتش مستخلص من الشركه هتضطر غصب عنك تديلهم فلوس من جيبك لغايه ماتصرف انت علشان يفضل شغلك شغال !
هنزل اجزاء تانية قريب ان شاء الله . 🔜.
تحسب بالمترالمسح دهانات لاسيتيك
يمكن دهانها على بياض المصيص او
الاسمنت المخدوم وتشترى هذه
الدهانات جاهزة ويمكن تخفيفها
بالماءمراحل الدهان1- الوجه التحضيري
2- الوجهه الاول بعد الوجه التحضيري
بيوم 3- الوجه الثاني 4
-الوجه النهائي
معدلات الدهان البلاستيك
1- الوجه الاول بلاستك بنسبة65 %
وماء بنسبة 35 %
2- الوجه الثاني دهان بلاستيك
بنسبة80 % وماء بنسبة 20 %
3- الوجه النهائي دهان بلاستيك
بنسبة90 % وماء بنسبة 10 %
(يمكنك حساب ان كل كيلو جرام من
البلاستيك يدهن10 متر مسطح من
الحائط (وجه واحد)
اما دهان الزيت
وتختلف هذه المعدلات اذا كانت مادة
الدهان دهان الزيت حيث تعتبر معدلات
دهانات الزيت
دهان كجم من خلطة الزيت والزنك
والنفط يعمل13 م2 وجه واحد تحضيري
دهان كجم من الخلطة يعمل11 م2 زجه
واحد وجه ثاني
دهان كجم من الخلطة يعمل10 م2 وجه
واحد وجه ثالث
دهان كجم من الخلطة يعمل9 م2 وجه
واحد وجه رابع
بفرض ان الكيلو جرام من الزيت يحتاج
من30: 20 جرام اكسيد لون
خلطة دهان الزيت تتكون من زيت + زنك
+ نفط
وتختلف نسب التحضير في كل مرحلة
من الدهان
