الدراسة فى المجر
يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك الدراسة فى المجر.
بكالوريوس ، ماجستير ، دكتوراة
البكالوريوس بيكون مدتة من 2 : 4 سنين
الماجستير من 1.5 : 2
الدكتوراة بتكون 4 سنين مقسومه علي مرتين
سنتين للدراسة وسنتين للبحوث
للناس اللي هتدرس بالمجري بيكون في سنه تحضيرية للغه قبل الدراسة
شروط التقديم في المنحه :-
- طالب دولي "" يعني مش مجري "" من اي دولة علي شراكه بالمجر تقدر تقدم واكيد مصر موجودة
- لطلاب البكالوريوس ⬅ تكون حاصل علي ثانوية عامة .. او هتحصل عليها قبل 1 اغسطس 2018
- لطلاب الماجستر ⬅ تكون حاصل علي بكالوريوس .. او هتحصل عليه قبل 1 اغسطس 2018
- لطلاب الدكتوراة ⬅ لازم تكون حاصل علي ماجستير
- معاك باسبور ساري
- شهادة طبيه
.
** الاوراق المطلوبة للمنحه **
- شهادات التخرج ثانوية ، جامعه ، ماجستير مترجمين وموثقين من الخارجية المصرية
- شهادة طبيه فيها عمل تحاليل لفيروس A ، B ، C
لاثبات الخلاء من اي مرض وبائي ودة تقدروا تطلعوها من اي مستشفي حكومي او جامعي
- رسالة دافع ⬅ دي اهم حاجه في التقديم كله اكتبوها بضمير وبلااش كوبي اكتبوا السبب اللي عاوزين تروحوا فيه للمجر واي مميزاتكم وهتستفادوا اية واي تطلعاتكم للمنحه
- باسبور ساري المفعول ⬅ لو مش معاكم تقدروا تنزلوا تعملوا مش هيتكلف غير 150 جنية في اقرب مصلحه جوازات خاصه بالمنطقه اللي انتوا عايشين فيها
- خطاب توصية ⬅ دةة بيقدموا الطلبة اللي هتدرس ماجستير ودكتوراة وبيكون من دكتور او معيد لازم يكون اكاديمي ومن اعضاء هيئه التدريس
- ايلتس بسكور 5,5 ، وتويفل بسكور B2 ⬅ لو انتوا مقررين انكم تدروس بالانجلش وما تخدوش السنه التحضيرية وعلي فكرة السكور دة سهل جداًاي حد يجيبة ويدرس بالانجلش
- بيان درجات من الكلية ⬅ دة بتقدموا لو انت دخلت جامعه وعاوز تكمل وما ترجعش لسنه اولي تاني
.
** التكاليف اللي بتغطيها المنحه **
- راتب شهري
- الفيزا
- التأشيرة
- تذاكر الطيران مش مؤكد انها تقدم لطلاب البكالوريوس
لكنها تقدم لطلاب الماجستير والدكتوراة من اعضاء هيئه التدريس
(151$)- 40,000 فورنت هنجاري للاقامه
- 65,000 فورنت هنجاري للتأمين الطبي
.
** المجالات المتاحه للدراسة :**
طب ، هندسة ، صيدلة ، بيطري ، بيزنس ، ماركتينج ، اعلام وحاجات تانية كتير تقدروا تشوفوها عن طريق اللينك دة ⤵⤵المجالاا اللي قدامها علامه ❎ دي متاحه واللي فاضية او فيها شارطه تبقي مش موجودة لينا
اضغط هــــــــــنا
موقع البعثات للمصريين
اضغط هـــــــــــنا
لينك المنحه
اضغط هــــــــــنا.⬅ ملحوظات سريعه جداً
- االقبول بيكون عن طريق ادراة البعثات المصرية اللس في مجمع التحرير
- الجانب المجري ممكن يقبلك بسهولة جداً بس ادارة البعثات ما ترشحكش فمتزعلوش
- اللغه المجرية مش سهلة زي ما انتوا متخيلين .. بفضل انكم تدرسوا بالانجلش والسكور سهل ان اي حد يجيبوا
- لو اتقبلتوا بيكون في انترفيو علي الاسكايب لتأكد من اللغه لو هتقدموا بالانجلش
- بيكون في امتحان قبول لكل جامعه لو اتقبلتوا في فندق في القاهرة جهزوا نفسكم كويس هو مش صعب ومش سهل
- المنحه الناس كلها تقدر تقدم عليها لكن لو حد من برة مصر علي سبيل المثال سوري وقدم تبع البعثات المصرية بيضطر انه يقدم ورقه هنا ودة شئ مش كويس الافضل انه يقدم تبع بعثات بلدة لان الاولوية هتكون مش ليه
