الدراسة في اوكرانيا
يقدم لكم موقعكم المتميز العاصمة وبخاصة لمتابعية من مصر العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك الدراسة في اوكرانيا .
1- عشان تقدم هناك في اي كلية انتا عايزها المطلوب تكون جايب فوق الـ50٪ وبالنسبة للطب تكون جايب درجة حلوة في الاحياء بالنسبة لهندسة جايب درجة حلوة في الرياضة وهكذا وممكن تدخل طب من ادبي والعكس عادي ومش لازم سن معين لدراسة اي كلية !
2 - عشان تقدم ممكن تدخل موقع الجامعة اللي عايزها وتقدم بس دي بتاخد وقت وممكن تترفض انا قدمت تبع مكتب في القاهرة ده مخصوص لكده بيخلص الورق المطلوب والدعوة الدراسية والفيزا والاقامة الأوكرانية بـ 1300 دولار
الورق المطلوب للتقديم ( 10 صور شخصية - شهادة الثانوية عربي ومترجمة انجليزي ومتوثقة من الخارجية و التربية والتعليم - شهادة كشف صحي وتحليل ايدز متوثقين برضو - شهادة ميلاد نفس الحكاية - والباسبور )
المكتب اللي انا طلعت تبعه اي حد عايز يعرفه يكلمني خاص وانا هقوله كل حاجه عشان محدش يقول انا بسوق لحد واللي عايز يقدم يلحق عشان الدراسة اصلا بتبدا 1 سبتمبر واخر معاد لتسجيل 30 اكتوبر وبعد كده ممكن تيجي بس مش هيكون ع سنة اولى هيكون سنة تحضيرية "سنة لغة اوكرانيه او روسيه ع حسب اختيارك"
3- المصاريف اي كلية طبية من 4000 -4800 دولار
هندسة اقل في السعر 3500 دولار ومن تاني سنة بتقل وبتكون 2600 دولار وباقي الكليات نفس السعر الفرق مثلا في 200 دولار او حاجات كدا
4- الطيران لاوكرانيا من مصر حسب المواسم الاسعار من 200 دولار - 300 او 500 ذهاب وعوده وده اعلي سعر والطيران في اي وقت طبعا
5- بالنسبة للبلد عن تجربة فهي جميلة جدا وهاديه وامان وهتستفاد كتير فيها لان بيجي طلاب من بلاد مختلفه فهتتعلم وتستفاد حاجات كتير من التعارف عليهم والراحة النفسية اللي هتبقي فيها ونصيحة لو هتدرس في اوكرانيا انزل في كييف او لفوف ابعد عن خاركوف عشان فيها عرب كتير ومشاكل
6 -مصاريف سكن ومعيشة
سكن في جامعي ودا منصحش حد بية
ممكن تاخد شقة لوحدك قريب من الجامعة تبقي في حوالي 150-400 دولار شهريا او ممكن تسكن مع حد مثلا صاحبك تقسموا بينكم
مصاريف اكل وشرب شهريا ومواصلات اكتر حاجة تبقي مرتاح 150-300 دولار
7- الشهادة زي ما قولت مضمونة ولو برضة مقلق ممكن تدرس كل سنينك عادي واخر سنة تروح المانيا تاخد الشهادة من هناك بس تدرس الماني اول ما تنزل اوكرانيا عشان دا الشرط الوحيد..
8- بالنسبة الناس اللي بتقول البلد قلق مفيش اي حاجة والدنيا جميلة جدا والناس مبسوطة القلق كلة في شرق ودا بعيد عن المدن الكبير زي مصر كدا سينا والقاهرة
والاسكندرية فمتقلقوش
9- بالنسبة للبنات اللي عايزة تروح هناك بيحترموا اي جنسية واي ديانة فمتقلقش اهم حاجة تكون في حالها من بيتها للجامعة وفي بنات مصريين بيدرسوا هناك كتير وانا منهم وعندي صحاب عرب كتير فمتقلقوش وبالنسبة للرجالة يركزوا في الدراسه بس وانتو فاهمين XD
10- بالنسبة للدراسة هناك بتختار بالروسي او الانجليزي
وممكن تاخد سنة تحضيرية قبل سنة اولي دي اختيارية
بتعرفك البلد واللغة وكدا ؛))
11 - الدراسة هناك سهلة واسهل من مصر وعشان تنجح اهم حاجة الحضور وفي نفس الوقت تحترم اللي بيعلموك وبرضو بيبقي في امتحانات وكدا لازم تذاكرلها
12 - اخر حاجة مش مسموح بالعمل هناك وانت بتدرس.
