كم تكلفة تشطيب شقة 100 متر

 #اسعار تقريبيه انا قولت اهو للبنود لمساحة 150 متر 

و مش عايزين تعليقات علي الاسعار عشان تقريبيه و بتختلف من مكان لمكان و من صنايعي لصنايعي و من مستوي شغل لمستوي شغل احنا عاملينها ك guideline للناس بس---------

فا من غير ماتعلق عالاسعار انت صح ۔۔۔۔ #اركن_علي_جنب

ترتيب البنود في التشطيب مهم جدا عشان تقلل في التكاليف و الخساير ورقه و قلم معايا كده أو اعمل save للبوست 

________________________________________________________

-----------------------------------------------------

#المرحله_الاولي #التأسيس ( ركز فيها علشان مرحله صعبه ) 

1- رسمه توزيع فرش عشان نشتغل علي مياه بيضا 

2- تعديل مباني لو مطلوب 

( التعديلات بتبقي في رينج 2000 ج تقريبا )

3- تأسيس سباكه " تغذيه + صرف + عزل + صرف تكييفات

( القطعه تاسيس بتبقي في رينج 1000 ج و العزل بيبقي في رينج 100 ج للمتر و خامات التاسيس بتبقي في رينج من 5000 ل 8000 ج )

4- ضبط شرب الشقه اللي هو منسوب التشطيب النهائي و ده اهم حاجه في الدنيا و لو مش عارفه احنا عاملين فيديو لشرحه 

5- تأسيس كهرباء " فرد خراطيم + سلك + لوحه + إضاءه الشقه "

( مصنعية التاسيس تقريبا بتبقي من 4000 ل 7000 حسب مكان الشقه ، الصنايعي و خامات التاسيس بتبقي من 10000 ل 150000 )

6- تأسيس التكيف " لو عندك تكيف هيركب بعيد عن وحدته هندفن النحاس بتاعه "

(متر النحاس توريد و تركيب بيبقي في رينج 270 ج )

7- محارة " لو شقتك طوب احمر أو هتقفل علي التكسير اللي حصل في البنود اللي فوق " 

( متر المحاره بيبقي ب 30 ج تقريبا ) و خامات الشقه بتشوينها بتبقي في حدود 7000 ج )

---- المرحله دي تعمل حسابك فيها خامات و مصنعيه من 40000 ل 50000 الف جنيه ------

مشكلة المرحله دي الأساسيه إن مصاريفها كتير و مابيظهرش حاجه لان معظم الشغل مدفون 

_____________________________________________________________

----------------------------------------------------------

#المرحله_الثانيه " #العجين "

1- أسقف مصيص أو كيما كزيت

( المتر مصنعيه بيبقي 30 ج مثلا و ال خامات بتبقي في رينج 3000 ج )

2- أسقف معلقه جبسيوم بورد ماعدا الحمامات و المطبخ عشان احسن يركبوا بعد السيراميك 

ا(لمتر بيبقي من 130 ل 160 ج )

3- تأسيس نقاشه ( وش سيلر + سكينتين + بطانه )

( المتر تقريبا بيبقي ب 20 ج تاسيس و خاماته بتبقي في رينج 6000 ج )

4- كرانيش فيوتيك 

( المتر بتركيبه بيبقي في رينج 35 ج )

5- نظافة الشقه تماما

( النظافه و الونش و العمال هيدخلوا في رينج (1500 ل 2000 ج )

6- تشوين السيراميك + الرمل + الأسمنت 

( سعر السيراميك للمتر متوسط فرز اول و تاني تقريبا من 100 :200 ج ، خاماتهم اللي هي رمل للردم و اسمنت و تشوين تقريبا بتبقي في رينج 7000 ج )

7- تركيب درج السلم لو في سلم او مستويين عشان تزبط منسوب المستويين او الدورين 

( درج رخام السلم بالمتر الطولي بيبتدي من 300 ج لحاد 700 حسب نوع الرخام 

8- تركيب السيراميك و الرخام 

( تركيب السيراميك حسب نوعه و مقاسه بيبقي من 30 ل 50 ج مصنعيه )

9- تركيب جبسيوم بورد الحمامات + المطبخ اللي سبناهم فوق

( غالبا بيبقي اخضر و احمر المتر فيهم بيبقي ب 160 ج و الصنايعي بياخد فلوس زياده عشان مرمه صغيره )

------ المرحله دي تعمل حسابك فيها علي 100 ل 150 الف حسب اختيارتك من الخامات-----

مشكله المرحله دي إنها بنودها كبيره و انت بتفتكر انها المرحله الاخيره و نصيحتي ليك إقتصد فيها علي قد ما تقدر عشان لسه بدري 

#المرحله_الثالثه #دريم_بارك 

_____________________________________________________________

----------------------------------------------------------

1- تركيب ألالوميتال 

( المتر المتوسط ب 1400 ج للمتر و الشقه كلها بتدخل في 20 الف جنيه )

2- تركيب الابواب + باب الشقه 

( باب الغرف تقريبا بيبقي ب 3000 ج و الشقه ب 5000 ) 

3- تظبيط وزر السيراميك بعد الابواب و الالوميتال 

( دي مرمه ب 500 ج )

4- تشطيب الكهرباء ( تركيب الاسبوتات و المفاتيح و الزراير إلخ ،،، )

( لو تشطيب كهربا و اسبوتات و خلافه بتبقي في رينج 4000 ج و الخامات " مفاتيح و اسبوتات و ليد .. الخ "بتدخلها في 20000ج )

5- تركيب القرص الرخام + العتب و أي اكسسوار رخام + جلي الرخام 

(اكسسوار الشقه كله بيدخل في 7000 ج )

6- تركيب كبائن الشاور 

(سعر الكابينه تقفيل لبانيو بيبقي من 4000 ل 6000 ج حسب المساحه )

7- تشطيب النقاشه ( الالوان النهائيه + ورق الحائط )

متر تشطيب بس النقاشه بيبقي في رينج 15 ج و خامات التشطيب الوان كمبيوتر يوتن او سكيب بتدخل في 7000 ج و رول الورق بيبقي في رينج 600 ج و تركيبه ب 100 )

8- تركيب الأدوات الصحيه + الخلاطات + الاكسسوارات 

( ده بيتحسب بالقطعه ب 600 ج مثلا ) و اطقم الصيني و الخلاطات و مستلزمات التشطيب متوسط من ( 15000 : 30000 " حسب الماركات و الانواع 

9- نظافه الشقه نظافه محترفه و ياريت تستعين بشركه تنظيف بيكيماويات و رش و تلميع 

دي بتبقي رينج 3000 ج تقريبا و الرقم مش كتير لانه بيسلمك كل الصرف اللي فوق ده بيبرق 

----- المرحله دي بتحتاج من 100 الف ل 150 الف حسب الخامات برده -----

مشكله المرحله دي إن احيانا بيظهر فيها مشاكل كتير من المراحل اللي فاتت متقلقش كل حاجه بتتعمل وماتغيرش حاجه في الترتيب اللي فوق لأن لو غيرت هتلخبط فيه تاني